Регистрация | Вход
[ Новые сообщения · Участники · Правила форума · Поиск · RSS ]
  • Страница 2 из 7
  • «
  • 1
  • 2
  • 3
  • 4
  • 6
  • 7
  • »
Форум » Жастар форумы » Қазақша тілектер! » Туған күнге тілектер (Туған күнге арналған тілектер)
Туған күнге тілектер
mariДата: Четверг, 06.12.2012, 17:58 | Сообщение # 11
Лейтенант
Группа: Проверенные
Сообщений: 30
Награды: 0
Репутация: 6
Статус: Offline
Деніңіз сау болсын, аспаныңыз ашық болсын. Өмір деген үлкен белестің тайғақ жерден таймай, сулы жеріне батпай, отты жеріне жанбай, соқпағына соқтықпай, көздеген арман-мұраттарыңызға жете берулеріңізге тілектеспіз.
***
Жүзіңізден шаттық пен күлкі үйіріліп, көл бетіне өрнек салған аққудай бақыт бесігінде қуанышты серік етіп, тербеле бер деп тілеймін!
***
Өзеннің ағысындай, тұлпардың шабысындай, толқынның жарысындай өтіп жатқан әр жылыңыз жақсылыққа толсын.
 
mariДата: Четверг, 06.12.2012, 17:59 | Сообщение # 12
Лейтенант
Группа: Проверенные
Сообщений: 30
Награды: 0
Репутация: 6
Статус: Offline
ҚЫЗ БАЛАҒА ТУҒАН КҮНІНЕ ТІЛЕК :
Әке-шешесінің бал-шекердей тәтті қызының дені сау, жасы ұзақ болсын. Ата-анасының, нағашы ата-әжесінің қуаныш-қызығы болып жүре берсін.
Жасқа толған құлыншағым,
Қандай тәтті шырын шағың.
Ата-анаңның құшағында,
Ұзақ болсын ғұмыр бағың.
Денсаулығың мықты боп,
Гүлдей жайнап жүре бер.
Болашақта бақытты бол,
Мұратыңа жете бер.
*******

Өмірдің жазынан, күзінен,
Әр батқан кеш сайын, таң сайын,
Шұғыла нұр шашар жүзінен,
Болшы сен ел сыйлар ханшайым.
Бұйырған маңдайдың бағына,
Бір сенде - құт пенен дәулет те.
Ақ сәуле төгетін жаныма,
Жұлдыз боп тудың сен әулетке.
 
mariДата: Четверг, 06.12.2012, 18:01 | Сообщение # 13
Лейтенант
Группа: Проверенные
Сообщений: 30
Награды: 0
Репутация: 6
Статус: Offline
Саған айтар тілек
Таусылма еш жүдеп
Қиналсаң — төз
Жарыссаң — оз
Ойнасаң — ұт
Күрессең — жық
Ешкімді басынба
Басыңнан асырма
Табысқа тасыма
Намысқа жасыма
Ешкімді күндеме
Ешкімді тілдеме
Сөзіңнен танба
Қатарыңнан қалма
Біреуді даттама
Ешқашан кек сақтама
Біреуді сыртынан айдама
Өсекті тыңдама
Шынығып шыңдал
Жақсыдан үлгі ал!
 
mariДата: Четверг, 06.12.2012, 18:05 | Сообщение # 14
Лейтенант
Группа: Проверенные
Сообщений: 30
Награды: 0
Репутация: 6
Статус: Offline
Туған күн,
Гүл сыйлаған, дос қаумалап,
Шалқисың бәйгеге қосқандай ат.
Өзіңнің құрметіңе өмірдегі,
Айтылар не бір тілек, тостар ғажап.
Жалт етіп өте шығар бір жыл тағы,
Жоталар қол жетпеген қынжылтады.
Бір сәтке күйкі тірлік ұмыт болып,
Босатар бұғауынан мұң құрсауы.
Тілекке,
Ырза болып марапатқа
Боласың отырғандай дара таққа.
Бойыңа туған күнің қуат құйып,
Алады шомылдырып рахатқа.
Серпіліп ішкі әлемің құлазыған,
Қанасың кәусәр пейіл бұлағынан.
Туған күн
Бірер сағат төрде отырып,
Тірліктің дәм татасың шуағынан!
 
mariДата: Четверг, 06.12.2012, 18:06 | Сообщение # 15
Лейтенант
Группа: Проверенные
Сообщений: 30
Награды: 0
Репутация: 6
Статус: Offline
Мықты болып әрқашанда деніңіз,
Бұл өмірден тек қуаныш көріңіз.
Махаббат пен ырыс-бақ боп досыңыз,
Туған күнді әр жыл тойлар беріңіз.
 
mariДата: Четверг, 06.12.2012, 18:07 | Сообщение # 16
Лейтенант
Группа: Проверенные
Сообщений: 30
Награды: 0
Репутация: 6
Статус: Offline
Бірден жүз жасқа дейін
Бір жас бар – 10 жас деген ойнақтаған,
Тай мініп,жабағыны ойнақтатқан.
Келген соң одан әрі – 15 жас бар,
Жастық шақ еш нәрсені ойлатпаған.
20-да өз жүзіңді түзейсің ғой,
Шашыңды кейін қарай күзейсің ғой,
Үлгісін ағалардың көргеннен соң,
Ой-ойлап әр нәрсені жүдейсің-ғой.
30-да, 30-да үй иесі боласың-ғой,
Балаңды әлди қағып аласың-ғой,
Келген соң одан әрі – 35 жас,
Жігіттік қыдырыстан қаласың-ғой.
Бір жас бар – 40 деген – қылыш екен,
Мойныңды бір жұмысқа бұрыс екен,
Келген соң одан әрі – 45 жас,
Борышты болмағаның дұрыс екен.
Елуде ебің келмес еңкейгенмен,
Қыздарға қолың жетпес көркейгенмен.
Келген соң – 55 жас, 60 жасқа,
Шал болып ойнайсың ғой кемпірлермен.
70-те жер таянбай тұра алмайсың,
Қолыңа таяқ алмай жүре алмайсың.
Балаң мен кемпіріңе тілің өтпей,
Әңгіме көп ішінде құра алмайсың.
80-де шал боларсың селкілдеген,
Жел соқса желмен бірге үлпілдеген,
Балаң мен келініңе тілің өтпей,
Ренжісіп отырғаның кемпірменен.
90-да шал боларсың томыртқадай,
Тастаған шала мұжып омыртқадай,
Өмірден өтеріңе сенгің келмес,
Дұшпанға жазатайым бергің келмес.
Жеткенде жасың 100-ге, жаның тәтті,
Қойнына қара жердің кіргі
ң келмес.
 
mariДата: Четверг, 06.12.2012, 18:09 | Сообщение # 17
Лейтенант
Группа: Проверенные
Сообщений: 30
Награды: 0
Репутация: 6
Статус: Offline
Әрбір адамның дүниеге келгенде түнгі аспандағы жұлдыздардың саны көбейеді екен. Шынында да түнгі аспанды бір тамашалап көрсеңіз, адамдар да сол жұлдыздар тәрізді екенін байқайсыз. Біреулер жарыққа шыққаннан гөрі тасада жүргенді қалайды – оның жұлдызы әлсіз жылтырайды, ал біреулер сабырсыз, өздерінің өміріне жиі өзгеріс енгізеді – олардың жұлдызы біресе жарқ етіп, біресе әлсіз жылтырап, құбылып тұрады. Ал енді үнемі күн тәрізді жарқырап, түнгі аспанға ерекше шұғыла шашып тұратын жұлдыздар болады. Мұндай жұлдыздардың иелері айналасына жылу мен шапағат нұрын төгіп тұратын ізгі жандар болса керек.
Бүгінгі туған күн иесін осындай ерекше жұлдыздың иесі деп айтуға болады.
Тұла бойы тұнған дарын және өнерлі, ақылына көркі сай тартымды осынау қуаныш иесіне шын жүректен бақыт тілеймін. Жұлдызың сөнбесін! Әрқашанда жоғарылап, жарқырай берсін!
************
Алла тағала дүниені жаратып, әрбір тіршілік иесінің өмір жасын белгілегенде адамға 25-ақ жыл өмір. Ал жылқыға, итке, т.б. аңдарға 50 жылдан беріпті. Адам өзіне берілген жасты қанағат тұтпай, жануарларға барып жарты жастарын сұрап алыпты.
Міне, содан бері адам ұқсап 25 өмір сүрсек, 25 жыл жылқыға, 25 жыл итке, ал кейінгі 25 жылымыз маймылға ұқсап жұртқа күлкі болып ғұмыр кешеді екенбіз.
Бүгінгі туған күн иесіне адамға ұқсап 25-ақ жыл емес, 100 жыл өмір сүр, ғұмырың бақытты да баянды болсын деп тілеймін!
************
Бүгін сенің туған күнің – төл мерекең, қуанышың. Біз сені осы мерекеңмен құттықтап, қуанышыңды бөлісуге келіп отырмыз.
Егер қып-қызыл шоққа май тамызсаң, лапылдап жанады, ал су тамызсаң – бықсып сөнеді.
Бауырым, сенің бағың сол бір тамшы маймен-ақ жансын, сол бағыңнан шыққан жалын сенің өміріңді жарық етсін! Бақытты бол!
***********
Емен ағашы – жуан, жапырағы қалың болғанына қарамастан қалың қатты жел тұрса тамырымен қопарылып құлап қалады. Ал қайың ағашы жіңішке нәзік болғанымен қатты жел тұрғанда сәл майысады да, жел басылған соң, бойын қайта тіктеп, жапырағын күннің нұрына малындырып жайқалып тұрады.
Бүгінгі туған күн иесі де осы қайың ағашы тәріздес - өмірде де, қызметте де басына қандай қиын іс түссе де жасымаған, бағы жанса тасымаған, тіршіліктің қандай ауыртпалықтарын, қиын кезеңдерін көрсе де мойымай, күресе білген азамат, мықты қызметкер, аяулы жар, ардақты әке және де айнымас адал дос.
Досым, алдағы өмірде де абыройың артып еңбегің жана берсін! Ұл-қыздарыңның, туған-туыс, дос-жарандарыңның ортасында сыйлы болып, бақытты ғұмыр кеше бер!
***********
Бір досым: «Осы мен адамдарды түсінбеймін: әр жылы туған күнін тойлайды, сонда олар бір жылға қартайғанына қуанады ма?» деп еді.
Бүгінгі туған күн иесіне қарап отырып, сол досымның жаңсақ пікір айтқанына тағы да көзім жетіп отыр.
Әр жылы туған күнін тойлауға жеткен адам – бақытты. Адам әр жаңа жылға жеткеніне қалай қуанса, туған күнінде де солай қуануы керек.
Әр жастың өзіне тән бақыты, қуанышы, игілігі, ерекше сыйы болады. Сондай игіліктерге аман – есен жеткеніне неге қуанбасқа!
Қарапайым ғана мысал: біз бала күнімізде туған күнімізді достарымызбен, сыныптастарымызбен бірге тойлап өткізсек, есейе келе қуанышқа ортақтасатын қадірлі жандарымыздың қатары молая түсті.
Міне, бүгінгі туған күн кешінде қонақтардың арасында жаңа таныстар, жаңа туыстар пайда болғанының куәсі болып отырмыз. Бұл дегеніміз – туған күн иесінің өмірінде былтырғы туған күнінен бері қарай біршама жаңалықтар болғанын, араласатын ортасы кеңейгенін, тілеулес жандардың қатары артқанын байқаймыз. Мұндайдың өзі бір ғанибет
емес пе!
 
mariДата: Четверг, 06.12.2012, 18:11 | Сообщение # 18
Лейтенант
Группа: Проверенные
Сообщений: 30
Награды: 0
Репутация: 6
Статус: Offline
Қыз-келіншектерге
Қандай әсем осынау бір пәк қалпың,
Нұрлы жүзің ақтығындай тап қардың.
Өзіңізді көрген сәтте мен алғаш,
- Қыз Жібек! – деп айқайлауға шақ қалдым.

Айтар ойды жарқырата неше өңдеп
Сөйледіңіз,
Шешендікті мекендеп
Сонда өзімше бағаладым ішімнен,
«Ақжүністің сіңлісі екен» деп.

Тағы бірде асқақтата ән салдың,
Таңғажайып ырғағыңа тамсандым.
«Тап Күләштің көшірмесі...» деп сол сәт,
Дүниеге келіп кетті жар салғым.

- деп бойында сан өнер тоғысқан нағыз қазақтың қызы деуге лайық осынау жанды туған күнімен құтт
ықтаймын!
 
mariДата: Четверг, 06.12.2012, 18:13 | Сообщение # 19
Лейтенант
Группа: Проверенные
Сообщений: 30
Награды: 0
Репутация: 6
Статус: Offline
Жүзіңізден құйылып әдемі нұр,
Ақ пейіліңіз айтпай-ақ көрініп тұр.
Адамға болсын деген жан екенсіз,
Тілегім әрдайым аман да жүр.
Жақсының жақсылығы көрінеді,
Өмірі жібек жолдай өріледі.
Көргені қай кезде де құрмет болып,
Көңілдің алады орын төрінде енді.
О, Апай, туған күніңіз құтты болсын,
Ортаңызға әрқашан шаттық толсын.
Қауым отыр Сізбенен бір қуанып,
Ақ тілектер бүгінгі ор
ындалсын!
 
mariДата: Четверг, 06.12.2012, 18:16 | Сообщение # 20
Лейтенант
Группа: Проверенные
Сообщений: 30
Награды: 0
Репутация: 6
Статус: Offline
Осынау айтулы күні Сізге деген зор құрметімді білдіремін. Өміріңізге барша жарық дүние шапағатын, зор денсаулық, баянды бақыт, мейірім мен қуаныш тілеймін! Ой-мақсаттарыңыздың жүзеге асуына тілектеспін!
*******************
Туған күн мерейлі істердің бастау күні бола берсін,
бақыт пен береке әкелсін,
еңбекте табыс пен абырой тілейміз!
****************
Сізге зор денсаулық, мол бақыт, ұзақ ғұмыр, отбасыңызға амандық пен бақыт , шаңырағыңызға шаттық пен мереке, дастарханыңызға береке тілеймін!
Балаларыңыз бен немерелеріңіздің қызығын көріп, үлкен бәйтеректей жапырағыңыз жайыла берсін!
Жасыңызға жас қосылып, еңбегіңіздің жемісін көріп, отбасыңыздың тірегі, бауырларыңның ақылшысы болып, әрдайым сыйлы ортада мәртебеңіз
биіктей берсін!

Тілеймін бақытты өмір ашық аспан,
Жалғанда тілек бар ма одан асқан.
Аман боп жанұяң мен бауырларың,
Жалғансын ақ таңдарын нұрын шашқан!
*****************
Осынау күні қаумалаған дос-жаран ағынан жарылып,
ақ тілегін жаудырсын!
Сол тілектер орындалар күнді көрер жасқа жетуді жазсын!
Өзіңдей кең пейілді, дархан көңілді адаммен дәмдес болуды бұйырған жандардың шынайы ықыласын уақыт шыңдай түсіп, жасыңа жас қосылған сайын айналаңа тілектес,
ниеттес адамдар көбейе түссін!
Денің сау болып, баянды да бақытты ғұмыр кешуді тілейм
ін Өзіңе!
 
Форум » Жастар форумы » Қазақша тілектер! » Туған күнге тілектер (Туған күнге арналған тілектер)
  • Страница 2 из 7
  • «
  • 1
  • 2
  • 3
  • 4
  • 6
  • 7
  • »
Поиск:
Новый ответ
Имя:
Текст сообщения:
Код безопасности: