«Тәуелсіз елдің ұланымыз!»

№12 мектепалды даярлық тобы

Мақсаты: мектеп жасына дейінгі балаларға еліміздің өткенін ұмытпауға, өз Отанын сүйе білуге, тәуелсіздік туралы түсініктерін және еліміздің рәміздерін құрметтеуге, туған жеріне, атамекеніне деген сүйіспеншілігін арттыру барысында саналыққа, ұлтжандылыққа тәрбиелеу.

  Музыка залы тақырыпқа сай безендірілген. Балалар әуен ырғағымен Е.Хасанғалиевтің «Атамекен»әнімен залға кіреді.(қолдарында жалаушалар мен гүлдер болады)

Тәрбиеші: Құрметті қонақтар, кішкентай бүлдіршіндер! «Тәуелсіз елдің ұланымыз» атты мерекемізгеқош келдіңіздер! Бүгін бізде үлкен мейрам –Тәуелсіздік күні. Осыдан 25 жыл бұрын яғни 1991 жылы 16 желтоқсанда тәуелсіздігіміз жарияланып егемен ел атандық. Міне өз әнұранымыз, елтаңбамыз, туымыз бар. Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік ағайын. Биыл Еліміздің тәуелсіздік алғанына 25жыл толып отыр.