Балабақша ауласы мерекеге сай безендіріліп, балалар көңілді әуенмен ортаға жиналады.

Тәрбиеші: Құрметті қонақтар, балабақша ұжымы және бүлдіршіндер! Қош келіпсіздер!

            Жадыраған жаздың алғашқы күні, балаларымыздың төл мерекесі – 1 маусым халықаралық балаларды қорғау күні құтты болсын! Сіздерге денсаулық, балаларыңызға амандық, шаңырақтарыңызға шаттық, қуаныш тілейміз!

            Бұл күн қашаннан бері тойланатынын сіздерге қысқаша айтып кетейін:

            Бұл күн 1949 жылы қараша айында әйелдердің халықаралық-демократиялық федерация шешімімен бекітілген болатын. Алғаш рет Балаларды қорғау күні 1950 жылы атап өтілді. Біріккен Ұлттар Ұйымы бұл бастаманы қызу қолдап, балалардың құқығын, өмірін, денсаулығын қорғау – өз қызметінің басым бағыттарының бірі екендігін жариялады. Міне осындай күнді біздің балабақша ұжымы салтанатты мерекемен атап өтуді жөн көрдік.

            Мерекемізді ашу үшін ортаға балабақша меңгерушісі Ерназарова Халида Әлмерденқызын шақырайық!

            Ал, енді «Еркетай» тобының «Біз бала, бақытты гүлдей жайнаған» атты ертеңгілігін тамашалаңыздар.