Гук Роберт 1635 - 1703 Ағылшын физигi Гук 1635 ж. Уайтта дүниеге келген. Оксфорд университетiнде оқып, Р.Бойльдiң ассистентi болады. 1665 ж. бастап Лондон университетiнiң профессоры болып қызмет етедi. Гук жұмыстары жылулық, серпiмдiлiк, оптика, аспан механикасы салаларына байланысты болады. 1660 ж. Р.Бойльмен бiрге Герикенiң ауа насосын құрастырды, 1665 ж. Х.Гюйгенспен бiрге термометрдiң тұрақты нүктелерi – мұздың еру нүктесi және судың қайнау нүктесiн орнатты. 1660 ж. қатты денелер үшiн серпiмдiлiк заңын ашты (Гук заңы). 1665 ж. жарық шоғырларындағы жұқа қабаттарды бақылайтын және өсiмдiктердiң құрылымын зерттейтiн микроскопты құрастырды. 1680 ж. тартылу күшiнiң ара қашықтық квадратына керi пропорционал екендiгi туралы қорытындыға келдi. Гук көптеен ашылымдардың авторы, атап айтқанда, барометр, максималды термометр және т.б.